今日终于参加左第一次嘅
志愿者活动啦,系去洪桥康园站带学员去军联礼堂睇文艺表演!
开头报名果时都唔知真正要做咩,只不过觉得时间几岩就报左!点知今朝一起身就发觉出边倒水咁落大雨,开头仲惗住无所谓啦,仲有两个几钟先出门,应该会停噶啦!点知到11点都仲系到“倒水”!好唔容易等到稍微细D啦我就拿拿声冲去车站,点知都没行出个厂又开始倒水,即时我就开始担心时间啦!惊到我dom脚啦!差唔多15分钟之后我就冲向雨中啦!
跟住黑开有条路,等833等左差唔多4个字都等唔到,仲要D雨不停咁落,急死人啦!上左车啦,点知到左沙河大街之后又塞车!等啊等,竟然塞左半个几钟!惊到我唯有打电话say sorry啦!好彩,1点4个字落左车!终于到站啦!
来到康园站,见到其他志愿者之间都互相熟识,好羡慕啊!再见到佢地同D学员之间有讲有笑,仲羡慕添!后尾帼姨话要一个带一个学员,我就同其中一个睇落细D嘅妹妹一齐啦,佢好得意啊,一路上同我捉实个手,仲要讲究点拖只手,真系好得意啊!哈哈~~又不停叫我姐姐,好感动啊~~翻开果时我地送佢地翻去,佢系路上仲话唔比我走添,哈哈~~真系好开心啊!
佢地各自返去之后,有个志愿者话点解今次无自我介绍噶,我地就留低系路边开左个自我介绍会!哈哈~~帼姨话今次系最齐人嘅一次,我都觉得好开心啊!好似有自己嘅一份,嘻嘻~~
期待下次啦。。