日志
2009.8.30
琴日中午，我同lili仲有姖媽媽（娟姨），一齊係烈士陵園果度等人。等咗好耐，終於出現一個較為眼熟嘅人喇！佢就係CQ裏面嘅營友喇！佢份人好cool架，都唔點出聲嘅。等咗好耐，啲人已經都到齊喇，準備開車去從化。但是我一啲都唔覺得興奮，佳因我要同lili分開咗兩部車啊！上到車裏面見到嘅人全部都係唔識得嘅，搞到自己好尷尬啊！後矀有個男仔上嚟，個樣超似蕉蕉，好搞笑啊！不過睇落去佢又係好cool咁嘅。
部車就開始啟動喇！得我自己一個人坐感覺好悶啊！之後睇睇下風景我就有小小嘅睡意，我喱埋眼訓一陣。不過部這嘅“導遊”就係度開咪講野，覺得有啲吵，訓唔著，喱埋眼係度閉目養神算喇！好喇！之後個“導遊”開始係度叫大家自我介紹下，我係度冧應該唔會到我吧！我喱埋眼，佢點知我係米訓咗覺架！點知，個“大聲公”傳到我果度就跌咗落地，個“導遊”就行過嚟，而我又咁啱係度執番個“大聲公”，畁佢見度我唔是係度訓覺，就儭機叫我介紹下，佳因我係一個慢熱嘅人，係啲咁嘅環境地下，我用蚊子嘅細聲對住個“大聲公”講野。我覺得超尷尬啊！
好喇！經過一輪嘅自我介紹之後，我繼續訓覺，而“導遊”都無講乜野喇！大概行咗個半鐘嘅車程，終於都到達咗從化嘅旅館，入到去旅館就搵番lili先，然後在攞身份證畁上官，姖跟住就畁咗櫃檯嘅人幫我登記喇！等所有人都登記完畢之後，就係分配房間喇！我同一個叫曾豔嘅人分配到同一間房，之後我就同姖一起上房換衫去游水。等我換完衫之後就到姖換喇！
我同姖換後之後，就冧住出去游泳池果邊浸溫泉架嗎，點知道姖又叫我食啲野先去浸，咁米同姖一齊食咗啲姖自己整嘅芋頭仔，味道都唔錯架！食食下，黃山見我哋未去浸溫泉，米入嚟問下我哋點解仲未去浸溫泉咯！咁住曾豔姖叫黃山食啲芋頭仔啊！咁黃山米同我哋一齊食咯！食完之後，我哋三個人就一齊去咗游泳池果邊浸溫泉。
去到果邊之後，我同曾豔放好啲野就去浸溫泉喇！姖就同番姖識得嘅果啲人一齊浸溫泉，我就搵番lili先，我去到一個人工嘅泉眼，見到lili同娟姨係到浸緊溫泉，我米埋去同姖哋打招呼咯！娟姨仲問我點解咁遲架！我米話同我住埋同一間房嘅阿姨一齊食野，食完先嚟浸咯！
好喇！我同lili可以一齊浸溫泉嚕，不過lili就似乎唔係咁鐘意娟姨跟住哦哋兩個喇！我同lili去到邊個泉眼浸溫泉，娟姨就跟到邊，仲有就係娟姨姖好鐘意攞住部相機影相，又叫啲人幫姖影獨照。之後，我同lili就去咗游泳池游水，無幾耐，娟姨又跟住嚟埋，我同lili就游水到泳池嘅另一個角落頭度繼續游水，但是我落水都未夠十分鐘，都未游夠，黃山就叫我上岸喇！跟住，我搵番曾豔，同姖一齊番去旅館沖涼。
番到房間之後，姖搵我邊個沖涼先，咁我話“你沖先”咯！哇，姖真係好犀利，沖涼都用咗差唔多成半個鐘嘅時間，等姖沖玩完之後，我就去沖喇！等我沖完涼之後，都已經7點幾喇！我連頭髮都未嚟得切吹，曾豔就拉咗我去canteen度開餐喇！去到canteen之後，見到啲人已經食到一半喇！我搵到lili果圍臺，就響果邊入座食野，不過我連碗都未嚟得切洗，曾豔就夾咗啲菜畁我喇！餐飯食得太急喇！我都種未嚟得切消化，有好多人都已經食完走佬喇！食食下，唔知道邊個係度講我同lili邊個大啲，跟住娟姨就搶住嚟答，話姖嘅囡囡同我都係同年出世，但是姖囡囡係11月份生日，咁到我答嘅時候，我米話今日咯！跟住，增豔就搵人叫上官幫我搞個birthday Party咯！
等我食完之後，我同lili、娟姨、曾豔一齊番去旅館，但是行到旅館嘅大堂果時，我哋就分開兩隊人，我同曾豔就去KTV房，lili同娟姨先番上房放低啲野。入到去KTV房裏面見到有好多人已經坐咗係度喇！等到啲人差唔多嚟曬嘅時候，上官同另外一位男士（同我一部車嘅“導遊”）擔當今晚嘅主持，首先係上官，講野先喇！姖話“今日有位小朋友生日，大家想唔想知道姖係邊嘅啊？我哋有請余xx小朋友”，跟住我被lili推咗上臺，上到去，果個“導遊”就問我“成年喇喔，有啲乜感想咁呢？”我米攞住個麥大聲咁講“我好驚啊！”，一味係到講“我好驚”，其實大家會覺得好疑惑，我到底驚啲乜？唔怕同大家講，我驚我成咗年之後，唔會有咁多人錫，父母對我嘅愛無以前咁多，自己承擔嘅責任越來越重，自己嘅前途一片黑暗等等，呢啲都係我嘅心底話，我無講出嚟；跟住個“導遊”問我有乜心願，我米講“希望考試成功喇！”跟住，上官就煽動班人圍住我，係度同我唱生日歌，當時嘅我真係好感動，有啲眼濕濕咁樣，搞到我想喊。
之後，我又參與其中，同大家一齊跳兔仔舞，跳咗好耐。跟住，啲人開始點歌唱，我同lili就點咗幾首咁喇！不過都係一啲好舊嘅歌嚟架喇！大概唱到10點半度喇！我去搵曾豔，但是就唔知道去咗邊，同我玩失蹤，咁我埋同lili、娟姨一齊番去姖哋果間房咯！後矀打黃山電話先知道曾豔佢同班友仔出咗去食雞粥，咁我同lili係係間房裏面發咗一陣間牛逗，姖同我講不如一起出去食宵夜咯！咁我就話好啊！咁住我哋三個友仔一起出去覓食，點知果啲山卡拉地方實在太黑暗啦！唯有係附近搵咗間食肆坐低落嚟食野咯！我哋點咗個幹炒牛河，係果度食野真係超貴，15蚊一碟，真係趁火打劫啊！食到飽飽嘅時候，我哋就慢慢行番入去旅館啦！係一片漆黑嘅夜空中，我哋見到郊區嘅天空原來好靚架，繁星閃爍，相比之下，你睇番下廣州市區，想話見到一粒星星都好難啊！
由於曾豔仲未番嚟，我唯有去吖lili間房等姖啦！等咗好耐，姖卒之都番嚟啦，我翻番去我間房，姖就同我講話要同一個阿姨一齊訓覺，咁我又同姖講，我想同我個friend一齊訓喔，咁我哋達成咗共識之後，我就去搵吖lili，叫姖落嚟我間房訓，但是娟姨唔畁啊！咁我唯有係下低拎個枕頭上去訓咯！我哋兩個一鋪床，搵番去CQ果時嘅感覺，之後我哋又傾計，傾咗好耐先訓覺，大概淩晨點幾鐘啦！
第二朝早，我就落住個枕頭番翻番落去自己間房，係入房之前我見到黃山，姖都見到我架，咁我米同姖講聲早晨咯！姖搵問我琴晚訓得好唔好添，我同姖講話好好啊，張床嘅柔軟度好好啊！跟住我就入房梳洗一番，之後無耐曾豔姖番咗入嚟，姖問我琴晚訓得好唔好，我都話好好啊！之後我哋兩個梳洗完，拾好曬啲行李，我就跟住同姖過咗去琴晚夜一齊訓覺果個阿姨間房，我入到去覺得果個阿姨間房好似要畁我哋間房要舒服得多啦！之後，果個阿姨嘅仔仔忽然行咗入嚟，嚇咗我一跳，原來果個阿姨嘅仔仔係個樣超似蕉蕉嘅人啊！
等齊人之後，我哋成班人就圍埋一齊影大合照，由於個攝影師準備不足，我哋都等咗好耐先影到，影完相之後，我哋就上車去唔知道邊個山卡拉地方食早餐啦！娟姨姖今日下午要去南方醫院度搞活動，同唔到我哋一齊啦，姖自己搭車番去市區先啦！等部車停好之後我哋就落車，不步行入去某間酒家度食早餐啦！
係坐車前往食早餐嘅途中，天公不作美，居然落起大雨，好彩係我哋到達目的地嘅時候已經變細咗，我同lili可能太遲入去啦！搞到無筍位坐啦！咁我就同“導遊”、杜啟聖佢哋搭臺啦！等我哋入席曬之後，啲服務員先開始上早餐，我三兩下手勢就食到飽飽啦！之後係閒聊嘅時候，有人問我“你已經18歲啦，可以拍拖拖嘞啵，有無打算幾時搵番個先”我都唔知道點答姖好啦！就話“阿媽話讀書時候唔可以拍拖架，起碼都要等到我畢業先啦”，閒聊完畢之後，就係我哋就起行到馬騮山上面睇馬騮啦！
係酒家出嚟嘅地方有個小斜坡，我哋就係要沿住條斜坡行去搭船前往馬騮山，等我哋去到搭船嘅地方，如果唔係我親眼所見，我真係唔敢相信，居然湖泊裏面啲水係咁清澈架！係市區根本唔會出現呢啲現象，可惜我無相機啦！米先我就將佢影低啦！等我哋全部人上曬船之後，條船慢慢咁開動，而我哋就係度欣賞周圍嘅風景，水天相接，真係迷人啊！
等條串開到馬騮山果時，我見到有好多馬騮行曬出嚟，好似係度歡迎緊我哋咁，等條船拍埋岸嘅時候，有好幾只馬騮跳咗入嚟裏面，嚇到我乜咁啊！跟住我同lili就跟係我哋今朝一齊食早餐果個哥哥後面，講真啊！如果我唔係聽人哋講，我以為佢係同我班豆丁一樣咁架，原來佢係一位義工嚟嘅啵，唔知道佢係YMCA果邊啲人啊？定係啟智果邊啲人呢？係馬騮山入面，有好幾次都畁啲馬騮襲擊我同lili啊！好彩個哥哥好好人，將啲馬騮趕走曬。行搵曬成個馬騮山之後，我哋就搭船離開，去食午餐啦！我哋上到船之後，我行到船頭想睇下風景嘅時候，見到個紮住攝影機嘅哥哥畁啲馬騮wer傷咗只手，咁上官姖哋啲義工就幫呢位攝影哥哥消毒、上藥、包紮，上官真係細心嘅姐。
去玩馬騮山一趟之後，有唔少人都好似受咗傷咁，我哋去食飯嘅時候，見到有唔少人紮住支棉簽係度消毒，真係無啦啦整噠啦！唔知道啱啱果位哥哥有無受傷乜？好想同果未哥哥講聲多謝啊！坐咗一陣間之後，啲服務員就上菜，我哋就開始進餐啦！哈哈，我都係三兩下手勢就食完餐飯啦！好飽啊！跟住坐咗一陣間，我哋就啟程番去廣州嚕！有啲唔捨得添，希望下次嘅旅程都係咁刺激啦！
係度我要多謝CCP，特別鳴謝：杜太、黃山、上官、萍姨，好多謝你哋呢兩日嘅照顧啊！！！我玩得好開心啊！幫我開咗我一個好特別嘅生日會，thank you very much！！！
