10月30日再战中山大学附属肿瘤医院
时隔3个月,本人终于再次拿起果个差唔多沤到出蘑菇噶
义工证,
系期中考试结束依个可喜可贺噶日子到,
再次去到肿瘤医院做义工。
虽然系报名果时写左自己系旧人,
但系旧极都只系参加过一次咁大把。。。
去到果时始终都系有d心虚,因为唔知今日要对住噶果d细路噶性格系点噶,
如果撞到个内向到不得了噶细路,
我都唔知点对付。。。。。
不过虚还虚野都仲系要做噶。
系医院度腾上腾落咁系度稳大队稳左3个字之后,
终于系21楼见到今日一齐做野噶果d义工。
俾班人笑左我一大餐之后,今晚黑噶工作就正式开始啦~
唔知个脑果日系咪因为考试考到有些许坏啦,
我本黎就好惊遇到果d唔讲野噶细路嘎啦,
点知我竟然仲要盲忠忠咁入左病房度做。
系病房度篱埋唔出黎噶细路,
点捻都唔多似系开朗嘎啦。。。。。
不过入左去就要搂人玩嘎啦,
跟住咪就去搂病房度个细路出去玩咯。
点知d唔会出去玩噶细路真系好内向噶!!!!
萍姨搂极距出去玩距都净系识拧头(后黎听距阿妈讲话距仲未识讲野。。。),
无奈,最后萍姨就叫我拿左d积木入去同距玩,顺便仲出去跟人学拧气球拧左知唔知应该话系狗定系马噶物体入去俾距。。。。
同萍姨拿入去噶果只比真系差天同地。。。。
就咁样系度有一句无一句咁氽个细路玩,
一开始个细路见到我都好似见到怪兽咁噶,
但系后黎玩下玩下,个细路都唔惊我啦,
起完屋之后又拿住个萍姨个气球同我果只四不像系度玩,
虽然唔识讲野所以表达唔到距噶感情咩济,
但系个样就好似玩得几开心咁,
而且周围d叔叔阿姨都话我系第一个搞到距咁开心噶人。
真系好开心~~~~~
临走果时例行总结加写卡。
我噶服务时数终于超过10小时啦~~~哈~
ps:入左启智半年,听到好多有关
志愿者噶评价,有好有坏,
但系更多听到噶系大家对志愿文化同志愿服务噶唔理解。
好多人都认为志愿服务系傻佬先会做噶事情,距地都觉得
无回报噶志愿服务系嗮时间加无意义噶事情。我甚至听过
有个女仔听到“志愿者”3个字噶时候,第一反应就系2个字
“痴线!”
但系我觉得其实都几好啊,系你帮到人地噶时候你自己又
收获到欢乐,其实同样依种欢乐系某中程度上黎讲,你
都系无偿所得啊~
唔理点到好,自己认为岩噶路就应该继续行下去,唔应该
人家噶议论而改变自己噶想法。
走狗的路,让小猫们说去吧!