今日係我第一日参加冲口老人院嘅活动,好开心啊!
今朝晨甘早起身,七点就起床啦,平时上班都没甘早啊!虽然好唔情愿起身,但係迟到唔我嘅作风啊!果然去到花地湾果阵先至8:25分,比约定时间早左十分钟。我到果阵已经有几个人到左约定地点,巨地都好早啊!我只知道哩个点嘅活动特别多人参加嘅,今日报名嘅应该都有几十人啦,有二十几个係新人,其中包括我。嘻嘻!
係地铁站行左几分钟就到左冲口老人院,等旧人简单介绍之后,我地就入到老人院,係广场度就见到好多公公婆婆坐左係广场度,应该有一半嘅老人家行动不便嘅,坐着轮椅。我就拣左坐第一排嘅婆婆,第一次参加活动真係有D经验不足。我行过去同婆婆打声招呼:婆婆,我过来陪你睇表演啊!天气冻唔冻啊,着嘅衫够唔够啊?呜呜,唔知係婆婆耳仔听力唔好定係我唔够亲和力,婆婆没点理我。真係再打击我啊!我再接再厉,婆婆,我叫XX,你叫XX就得啦!你钟意听D咩歌,我可以过去叫巨地唱俾你听啊?你手好冷啊,衫係唔係唔够啊?婆婆终于俾我嘅热情打动,开金口罗。我着咗两件衫,够暖啦。你哋唱咩歌我都钟意听。
,沟通成功嘅开始啊!
表演开始啦!虽然上去表演嘅都係业余嘅,不过气氛都係好好啊!我见D公公婆婆都睇得好开心啊!又有粤剧,又有京剧,又有流行曲,我仲俾何姨拉上去乱舞啊,呵呵呵!我自己都玩得好开心,我见D公公婆婆都好开心啊!最后仲同一个靓女仲唱咗首月亮代表我的心,因为没伴凑,係放MP3嘅,我地跟着唱。嘻嘻,落来果阵仲俾人地赞我地唱得好听。当然好听啦,因为有原音嘅。
最后分享会啊,我记得有个阿姨讲左句,公公婆婆嘅今天,或者就係我哋嘅明天,我地以后肯定会有老嘅一日,依家自己只係付出少少,就可以给公公婆婆巨地带去欢乐,何乐而不为呢?我自己都玩得好开心啊,以后有时间我一定会继续报名参加哩个活动。